KUBIK: ANTZEZLAN BAT BAINO GEHIAGO...

     Txikiak garenean antzerkiak eta antzezlanak ikustea eta, batzuetan, parte hartzea gustuko dugu. Baina, askotan, helduok ez gara ohartzen antzerkiak duen garrantziaz eta txikiengan sortzen duen eraginaz. Nahiz eta denbora pasa bezala ikusi, antzerkiak eta antzezlanak garrantzia handia dute eta KUBIK antzezlanaren bidez hau ulertzera eramaten gaitu. Hortaz, hurrengo klaseetan KUBIK antzezlanaren inguruan hitz egiten aritu gara eta hurrengo lerroen bidez honen eginkizuna laburtu egingo dut, informazioa jasotzeko asmoz.

    “Kubik” Belgikako Guimbarde antzerkiak sortutako ikuskizuna da. Ikuskizun hau gertutasun eta intimitate giroan garatzen da. Antzezlan hau, umeek haien ingurua esperimentatzeko eta ulertzeko helburuarekin egiten dituzten jolasetan inspiratuta dago. Halaber, umeetan ohikoa den bezala, KUBIK antzezlanean, inguruko objetuen manipulazioa erabiltzen dute pentsamendua eraikitzeko eta irudimenari atea irekitzeko.

    Aktoreek eraikuntza jolas handiak manipulatzen dituzte, eraldatuz eta mugituz. Kolore, forma, bolumen... ezberdinak proiektatzen dituzte, horrela, umeek esploratu ahal dituzten irudi eta espazio berriak sortuz. Aktoreekin batera, ikusleria, ikusteko eta sortzeko plazerra esperimentatzen du, unibertso sentsorial batera hurbilduz non amets egitea, imajinatzea, jolastea eta deskubritzea erraza den.

    KUBIK antzezlanean, antzerkia, bideoa eta irudiak nahastu egiten dira, txikiei esperientzia aktiboa eta ludikoa eskaini ahal izateko. Eta emaitza onak lortzen ditu, izan ere, umeek esperientzia hau bihotzarekin bizi egiten dute eta benetan disfrutatzen dute!